مقارنة شاملة بين موبايل سامسونج جلاكسي أس22 ألترا و موبايل أيفون 14 برو ماكس | تعرف علي وحش المنافسه للهواتف الذكيه في العالم
مقارنة شاملة بين موبايل سامسونج جلاكسي أس22 ألترا و موبايل أيفون 14 برو ماكس | تعرف علي وحش المنافسه للهواتف الذكيه في العالم
عالم الهواتف الذكيه لا يخلو من
المفاجئات علي الإطلاق فإذا كنت تريدوا أن تعرفوا ما هو أفضل و أحسن موبايل في العالم
في الوقت الحالي فأكيد سيدور بأذهانكم كلا
الموبايلين المحيرين للكثير و الكثير من المستخدمين فهما أفضل منافسين علي الساحه
التكنولوجيه للهواتف حاليا لما يتمتعون به من إمكانيات هما :
iPhone 14 Pro Max VS Samsung Galaxy S22 Ultra
لأننا إذا نظرنا الي أيفون 14 برو ماكس و سامسونج جلاكسي أس22 ألترا سوف تجد أنهم من أكثر الشركات مبيعا في فئة الموبايلات الأعلي في المستوي في العالم ولكن دورنا اليوم هو حسم وتحديد من هو الموبايل الأفضل من منافسه ومن هو الموبايل المتفوق علي الأخر علي مستوي العالم في الوقت الحالي من ناحية الكاميرا و البطاريه والمعالج وغيره بحيث نصل الي الموبايل صاحب التجربه المتكامله بشكل أكبر نأتي الي التصميم فهنا نجد ان الموبايلين من أشيك التصميمات الموجوده حاليا فاللون الخاص بسامسونج جلاكسي أس22 ألترا لون أخضر مميز وكذلك في موبايل أيفون 14 برو ماكس لون بنفسجي مميز أيضا بالإضافه لان موبايل أيفون 14 برو ماكس الجوانب الخاصه به من مادة الستانلس ستيل ودي ميزه أفضل شويه عن الجوانب الخاصه بموبايل سامسونج جلاكسي أس22 ألترا المصنوعه من الألومنيوم ولكن سامسونج جلاكسي أس22 ألترا بيتفوق في نقط أخري من وجهة نظري ,
وهي مسكته في الأيد لأنه أنحف شويه فده بيدي سهوله في
التعامل كذلك الشاشه المنحنيه من الجوانب تعطي إحساس رائع خصوصا عند رؤية
فيديوهات أو ألعاب فالشاشه تعطيك إنطباع
أنك تري شاشه كامله وليس إطار حول الشاشه فالتصميم الخاص بموبايل سامسونج جلاكسي
أس22 ألترا من الأمام محبوب لدي الكثيرين فإذا نظرت الي تصميم الشاشه من
الأمام فسيكون الأفضليه لموبايل سامسونج جلاكسي أس22 ألترا نأتي بعد ذلك للشاشة ياتري ما هي أفضل شاشة من
ناحية التجربه للموبايلين ؟ الإجابه مفاجئه حيث أن شركة سامسونج معروفا بتصنيع
أفضل الشاشات علي مستوي العالم وده السبب الأساسي في كونها الشركة المصنعه
للشاشتين الخاصين بموبايل أيفون 14 برو ماكس و سامسونج جلاكسي أس22 ألترا لانها
تعتبر شركه رائده في تصنيع الشاشات حجم الشاشه أطول شويه في موبايل سامسونج جلاكسي
أس22 ألترا وهي ,
6.8 inch في حين شاشة موبايل أيفون 14
برو ماكس6.7 inch الفرق بسيط في الطول موبايل أيفون 14 برو ماكس متميز في
شاشة السطوع في حين أن موبايل سامسونج جلاكسي أس22 ألترا بيوصل 1750 nits
وده يعتبر مستوي إضاءه وسطوع عالي جدا ولكن موبايل أيفون 14 برو ماكس بيوصل
nits 2000
ولو حطيت الإتنين في الشمس تحت ضوء الشمس مباشرة هتلاحظ السطوع الأعلي الموجود في أيفون 14 برو ماكس لكن
الفرق مش كبير ويظل سامسونج جلاكسي أس22 ألترا متفوق علي أيفون كمان شاشة موبايل سامسونج
جلاكسي أس22 ألترا حاده أكثر شويه من الأيفون لكن الشاشتين الحده الخاصه بيهم
ممتازه ولكن هناك نقطه هامه تتعلق بموبايل الأيفون وهي عند عمل تعديل للصور وتعديل
لألوان الصور بشكل عام تلاحظ جودة صوره وألوان أكثر من موبايل سامسونج جلاكسي أس22
ألترا وده يخلينا نميل أكتر ناحيه أيفون 14 برو ماكس وده ميقللش أبدا من شاشة موبايل
سامسونج جلاكسي أس22 ألترا بل بالعكس شاشة الموبايل من أفضل شاشات الموبايل الممكن
تجربها في حياتك ,
لكن إحنا بنحاول نظهر كل الفروق الصغيره عشان في النهايه نقدر
نحدد مين الأفضل نيجي للأداء الأداء أكثر من رائع في
الموبايلين وده بفضل المعالج الخاص بموبايل سامسونج جلاكسي أس22 ألترا وهو النسخه
السناب دراجون القويه جدا كذلك المعالج الخاص بموبايل أيفون 14 برو ماكس A16 يعطي قوه وسرعه
في الأداء جباره للموبايل وفي المجمل الموبايلين أقوياء من ناحية المعالج بدرجه
كبيره مما يجعل الاداء عالي لكلاهما ولكن نعومة الانيميشن الموجوده في موبايل أيفون 14 برو ماكس تجعله
سلس أكثر في الإستخدام من ناحية البرامج المفتوحه عليه و التحكم فيها وعند
قفلها وهكذا بتكون بشكل إحترافي أكثر عشان نفصل هنا في الموبايلين من ناحية الأداء
فهنا نعطي الأفضليه لموبايل أيفون 14 برو ماكس وهذا لا يقلل أبدا من اداء موبايل سامسونج جلاكسي أس22
ألترا ولكن نعطي أفضليه لفروق بينهم ولو بسيطه حتي نصل لأفضل تجربه متكامله تجعلك
تقرر عزيزي القاريء أيهما أفضل في النهايه نأتي لفرق هام جدا ومؤثر جدا علي كلا
الموبيلين وهي البطاريه نبدأ بموبايل أيفون 14
برو ماكس أصبح أضعف من بطارية الموبايل
السابق منه أيفون 13 برو ماكس وده ممكن يكون بسبب خاصيةAlways on display أو
نظام التشغيل 16 (ios 16) بيستهلك في البطاريه
بشكل أكبر ويمكن حل الإستهلاك للبطاريه
بتحديثات قادمه لكن بشكل عام تظل بطارية أيفون 14 برو ماكس واحده من أفضل موبايلات
High-End علي الصعيد الأخر موبايل سامسونج جلاكسي
أس22 ألترا النقص الوحيد فيه هو البطاريه فلولا البطاريه الخاصه به ضعيفه في
الاداء لكان الموبايل متكامل فعلا فهي كثيرة الإستهلاك لذا نعطي الأفضليه من ناحية
البطاريه لموبايل أيفون 14 برو ماكس نذهب الي سرعة الشحن ومدخل الشحن تحديدا يمكن
الشركتين مش متقدمين أوي مثل الشركات
الصينيه في الموضوع ده فيه شواحن 65 واط
وشواجن 100 واط حاليا فإذا نظرت لموبايل أيفون 14 برو ماكس بيشحن من %0
الي %50 في نصف ساعه بينما موبايل سامسونج
جلاكسي أس22 ألترا بيعطي سرعه عاليه شويه بشاحن 45 واط بيشحن من %0
الي %70 في نفس ذات الوقت وهو نصف ساعه تقريبا نأتي
للنقطه الحاسمه وهي مدخل الشحن نفسه في موبايل سامسونج جلاكسي أس22 ألترا بيستعمل usb-type
C فهتقدر تستعمل معاه أي وصله موجوده مع أي حد
من زمايلك وشواحن كتير موجوده في السوق بتشتغل عليه ومتوافقه معاه أحسن من الايفون
العلي الناحيه التانيه فالأيفون 14 برو ماكس منعزل لوحده بتقنيه قديمه مدخل الشحن
بتاعه لحد دلوقتي شغال usb2.0
وده معناه أن نقل البيانات وإذا كنت تنقل داتا من اللاب توب للموبايل أو العكس
هتاخد وقت كبير وهتبقي بطيئه جدا في نقلها فدي نقطه ضعف في الأيفون
لذلك فالأفضليه
هنا لموبايل سامسونج جلاكسي أس22 ألترا بكل تأكيد نأتي الي السوفت وير
لكلا الموبايلين في ios 16 موجود
علي الأيفون و الأندرويد 12 موجود علي
السامسونج وبنهاية العام هيكون وصله التحديث لأندرويد 13 بشكل رسمي ومستقر شركة
سامسونج واحده من أفضل و أحسن الشركات العندها سوفت وير محترم مميزات كثيره جدا
وتعديل في كل حاجه فإذا قارنت موضوع التعديل علي كل صغيره وكبيره فستجد أن
السامسونج يتيح لك هذا عكس الايفون المقفول أكثر في حتة التعديل في كل شيء حتي لو
ضافوا مميزات كثيره في شاشة القفل تقدر تغير في حاجات كثيره فيها ولكن مش بنفس
الشكل التقدر تعمله في السامسونج لكن يمكنك تغيير شاشة Home Screen
تماما ده مينفعش تعمله في الايفون كمان موبايل سامسونج
جلاكسي أس22 ألترا بيدعم خاصية Samsung dex وده معناه اني
أقدر أوصل عليه أي شاشه وماوس وكيبورد وأستعمله كأنه كمبيوتر الاندرويد بشكل عام
أقدر أستعمل الفايلات فيه أفضل من الأيفون ده بالإضافه اني أقدر أشغل اتنين أبلكشن
في نفس الوقت ده غير ان الاندرويد نفسه بيقدر يتواصل مع الاجهزه التانيه بشكل أفضل
بكتير من اجل هذا فالمميزات الكثيره في السوفت وير الخاص بالاندرويد تجعلنا نميل
لموبايل سامسونج جلاكسي أس22 ألترا في هذه النقطه حان وقت الكلام عن الكاميرا
وهي الإمكانيه الفارقه في اي موبايل نبدأ بموبايل أيفون 14 برو ماكس يأتي بكاميرا
48 ميجا بيكسل وعندك تصوير Apple ProRaw بمعني أصح حصل تطور كبير ورائع في
الكاميرا ملحوظ عن إصدار الأيفون السابق الناحيه الأخري موبايل سامسونج جلاكسي
أس22 ألترا عندك مجموعة كاميرات بالخلف الكاميرا الأساسيه 108 ميجا بيكسل بالإضافه
لتنوع الكاميرات فمثلا كاميرا تسمح لك بعمل m10x optical Zoo فيمكنك إلتقاط صور عليx optical
zoom 30 وتعطيك درجة وضوح رائعه في موبايل سامسونج
جلاكسي أس22 ألترا في حين ان ده مش موجود في الأيفون لكن الموبايلين في التصوير
ممتازين موبايل سامسونج جلاكسي أس22 ألترا بيتيح لك تنوع أكثر في أوضاع التصوير
الممكن تستعملها أما الأيفون أفضل من ناحية تصوير الأشخاص وممكن برضوا تعمل Apple
ProRaw وتاخد تفاصيل جيده وهكذا كمان الايفون يظل متفوق
في تصوير الفيديوهات ,
بيطلع شكل صوره متميز جدا حتي تيجي تشوف الكاميرا سلفي السنه
دي أبل عملت تطور هائل ضافت خاصية auto focus علي الكاميرا الاماميه وبقي تظهر صور أفضل من
الجيل السابق من الأيفون يبقي الموبايلين رائعيين من ناحية الكاميرات الخاصه بيهم
وبيطلعوا صور عظيمه فعلا بعيدا عن الناحيه العمليه و في النهايه نقدر نقول أن في
تفضيلات و إختلافات في الحاجات البتميل ليها في الموبايلين مثلا موبايل سامسونج
جلاكسي أس22 ألترا فيه القلم بتاع سامسونج فده ممكن يكون شيء مفضل بالنسبه لك و
الأيفون معروف بالأيكو سيستم بتاعه الرائع الأسعار الخاصه بالموبايلين متفاوته جدا
علي حسب البلد الأنت فيها سعر موبايل سامسونج جلاكسي أس22 ألترا الرسمي في مصر 39
ألف جنيه مصري تقريبا ولكنه بيتباع ضمان دولي في حدود 25 ألف جنيه مصري في حين أن أيفون
14 برو ماكس سعره 40 ألف جنيه مصري لانه لسه نازل في الاسواق جديد وأكيد سعره
هينزل بعد كده شويه علي العموم الموبايلين يعتبره من أحسن موبايلين موجودين في
العالم حاليا وفكرة شراء أيا منهم ترجع لك عزيزي القاريء و شكرا .
ليست هناك تعليقات:
إرسال تعليق